नभी दूर दिन मावळू लागे
सांजवधुही पदर सावरीत भूवरी उतरे
मम मनाच्या गाभार्यात
कोण गे उजळे हे स्वप्नदिवे , हे स्वप्नदिवे …
क्षणी एका अवचित श्वास जडावे
पळी त्याच नयनांत जलद दाटले
येइ जवळ कोणी प्रेमभराने
स्पर्श करी पण नजर ही चुकवे , नजरही चुकवे …
कधी गीत मीलनाचे राही अधुरे
तर कुठे जुळे नाते जन्मांतराचे
अडके गुंती , वैरी मन माझे,
मज छळी साहुनी ते दु:खही परके , दु:खही परके …
अंतरास ठावे मम गुपित गहिरे,
कैसा स्वर्णस्पर्श स्वप्ना या लाभे,
हे मम स्वप्न , तेचि आप्त माझे,
सावली यांची मम कधी न अंतरे, कधी न अंतरे …
No comments:
Post a Comment