स्वामींचा गोंधळ
अजान बाहू तुझी मूर्ती ही मोहविते मजला
अगाध लीला करुणी दाविसी तूच स्वामी नाथा
स्वामी कृपा करी दिनावरी
आलो तुझ्याच रे मी दारी
आता दर्शन मजला दे.........
दर्शन मागतो माउली दर्शन मजला दे....
भस्म विलेपित मोहक कांती तेजोमय सुंदर
दत्तावतारी जग उद्धारा आले रूप घेऊन
इवल्याश्या वारुळा प्रगटशी तूच स्वामी नाथा
दिनांचा कैवारी होशी तू सगून रूप घेता
स्वामी कृपा करी दिनावरी
आलो तुझ्याच रे मी दारी
आता दर्शन मजला दे.........
दर्शन मागतो माउली दर्शन मजला दे....
हात जोडूनी तुला विनावितो घोष तुझ्या नामाचा
मठात येऊनी तुला पूजितो उद्धार कर सर्वांचा
भिऊ नको तू मी पाठीशी वचन तुझे ऐकता
मनास लाभे शांती आणि मिळे सुख संपदा
स्वामी कृपा करी दिनावरी
आलो तुझ्याच रे मी दारी
आता दर्शन मजला दे.........
दर्शन मागतो माउली दर्शन मजला दे.....
अरविंद भांगरे
अरविंद भांगरे
No comments:
Post a Comment